SonstigesHopfen

23. März 2018

Näbscht em Mauz isch dr Hopfe

die wichtegschti Zuetat bir Bierhärsteuig.

Dr Hopfe isch e Pflanzegattig us der Familie vo de Hanfgwächs. D’Pflanze wachst sehr schnäu u schlingt sech a Wachsdräht ufä u wärde so bis zu 7 Meter höch. Dr bekanntischt Hopfe isch dr Ächt Hopfe, wo mä zum Bier braue bruucht; är verleiht am Bier sis usgeprägts Aroma u die typischi Bitterkeit. Zum Brauä wärde usschliesslech d’Dolden vor wiibleche Hopfepflanze brucht.

Hopfenpflanzen

Zum Braue cha mä früschi Hopfedolde oder Hopfäpellets bruche. Hopfäpellets si vermahleni Dolde wo presst si worde.  Ds Volume wird so verringeret u d’Lagerfähigkeit erhöht.  Pro 10 Liter Bier wärde zwüsche 10 u 150g Hopfepellets bruucht; je nach Biersorte.

Dr Gschmack im Bier mache unger anderem d’Bitterstoff u die ätherische Öl im Hopfe us. Während em Brauvorgang gitz verschideni Zitpünkt, wo mä Hopfe cha biigä;
– Vorderwürzehopfig
– Bitterhopfengab
– Aromahopfengabe
– bir Gärig
– Hopfenstopfen

D’Hautbarkeit vom Bier hängt unger anderem vom Hopfe ab; dr Hopfe het dür sini Bitterkeit e konservierendi Würkig. D’Bitterkeit vomene Bier wird in IBU agä (International Bitterness Units) u isch e Masseinheit für e alpha-Säure-Ateu im Bier. Dä Wärt entspricht jedoch nid der reale Bitterkeit vom Bier. Äs zeigt aber gliich, i weli Richtig es Bier geit.

Hopfenpellets

Hopfe isch d'Seeu vom Bier...