SonstigesHefe

6. April 2018

D Hefä isch e Piuz, wo für d’Gärig bim Bierbraue verantwortlech isch. D’Hefä wandlet dr Mauz-Zucker wo ir Würze vorhande isch i Aukohou, Cholesüri u Wermi um.

Obergärigi Hefä

  • Temperatur ungefähr 16-22 Grad
  • Klasseschi Bierstile: Ales, Stouts, Weizebier
Obergärige Hefe

Ungergärigi Hefä

  • Temperatur ungefähr 8-14 Grad
  • Klassische Bierstile si Lager- oder Märze-Bier
  • Die ganzjähregi Härsteuig vo ungergärigem Bier kennt mä ersch sit dr Erfindig vor Chäutemaschine 1876.

Augemein cha me säge, dass obergärig brauti Bier gschmackvoller u fruchtiger würke aus ungergärig brauti Bier. Für e Huusgebruch cha me Hefe abpackt aus Trochä- oder Flüssighefä choufe. Ersch unger Druck (i Fläschli abgfüut) entsteit Cholesüri. Us däm Grund hets bir Fläschegärig immer e Bodesatz. Wärs gärn het cha dä Satz mittrinke, süsch füusch am Beschte dr ganz Fläschliinhaut uf einisch i nes Glas; so blibt dr Satz im Fläschli. Bimene Weizebier ghört dr Satz jedoch mit ids Glas…