SonstigesBierlagerig

13. Mai 2018

Ds sixtytwo.ch-Craft-Bier

isch weder fiutriert no pasteurisiert.

Da ds Bier im Fläschli gärt, hets i jedem Bierfläschli am Bode e Satz. Bir Lagerig isch fougendes ds beachte:

  • Stehend lagere (so blibt dr Bodesatz o am Bode u ds Bier het so ke Kontakt mit em Kronkorkä)
  • Chüeu lagere (im Bodesatz hets aktivi Hefezäue. Ds warmi Lagerig cha dr Gschmack vom Bier verändere)
  • Dunku lagere (Liecht veränderet dr Gschmack vomene Bier, wägedäm si d’Fläschli o brun…)

Dr ideauscht üfbewahrigsort isch dr Chüeuschrank. Da jedoch ir Regu no angeri Sache im Chüeuschrank müesse platz ha, chame ds Bier o im Chäuer lagere (10-13 Grad). O bis zum Mindesthautbarkeitsdatum cha sech dr Gschmack vomene Bier liecht verändere.

Bier wo fiutriert u pasteurisiert isch worde isch wägedäm o viu lenger hautbar, wärtvoui Inhautsstoffe si jedoch im Bier nüm vorhande.

Mä cha dr Bodesatz mittrinke… Für die wos weniger gärn hei; dr ganz Inhaut vom Fläschli ines gnue grosses Glas; so blibt dr gröscht Teu vom Satz im Fläschli.

Kronkorken