Infos

Isch hie e Frag nid beantwortet worde? de schrib mir doch es Mail


Warum hei aui Bier e Bodesatz?

Aui Bier vo sixtytwo.ch si naturtrüeb. Das heisst, dür d’Fläschegärig hei aui e Bodesatz. Dä cha me mittrinke, muess me aber nid. Wed dr ganz Inhaut uf einisch i nes Glas ischänksch, de blibt dr gröscht Teu vom Satz im Fläschli…

Warum si aui Bier usverchouft ?

sixtytwo.ch wird aus Hobby betribe. Das heisst, äs wärde nume Chlinschtmängine härgsteut – pro Sud zwüsche 20 u 30 Liter… D’Usstossmängi isch im Jahr ca. 1000 Liter; so chas vorcho, dass es kes Bier a Lager het…

Wo muess i d'Bstellig abhole?

In Schliern, am Buchholzweg 62… Faus i nid ume bi, chani d’Bstellig ou ire wätterfeschte Box bim Iigang deponiere.

Ab wenn nach em Bsteue chani se cho abhole?

Normalerwiis chasch d’Bstellig i de nächschte 24 Stung cho abhole.

Newsletter

Hie chasch di für e Newsletter amäude. I jedem Mail oder unger däm Link chasch di ou wider abmäude.

 

Wie chani mini Bsteuig zahle?

Bar oder mit Twint. Twint isch dr eifachscht Wäg; Twint muess jedoch uf dim Telefon installiert si u de wird dr Betrag uf dini Telefonnummer aagforderet. Chasch ou vor dür Übergab per Überwiisig uf das Konto:

Wie lageri ds Bier?

Naturtrüebs Bier immer stehend lagere… Süsch setzt sech dr Bodesatz uf dr Site vom Fläschli ab. Temperaturmässig isch es ds Beschte, im Chüeuschrank. Äs geit jedoch ou imene chüele Chäuer…

Warum dr Name 'sixtytwo.ch'?

62 isch weder mi Jahrgang no mis auter… Woni mi ha la registriere, hani e Firmename bruucht. 62 isch üses Huusnumero.

Warum Eiwägfläschli?

Aui Bier si i Eiwägfläschli abgfüut. Jedoch bruuchi die ou es paar mau u nime se, wes nid mit ds grosse Umständ verbunde isch, ou wider retour.

Date lösche

Schrib mir äs Mail uf 62@sixtytwo.ch, wed diner Date wosch lösche.

CHA NID RÜCKGÄNGIG GMACHT WÄRDE!