Glüehbier säuber mache

Written by sixtytwo

Was bruuchsch derzue?
– 2 Fl Bier (z.B. Winterbier)
– 2 dl Kirschsaft
– 2 Nägeli
– 50g bruune Zucker
– 1 Zimtstange
– 1 EL Honig

Zuebereitig:
Ds Bier mit aune Zuetate ire Pfanne langsam uf max. 70°C erwärme. Zuedeckt öppe 15 Minute la stah, Zimtstange u Nelke entferne u nähr warm gniesse….

Perfekt für chauti Wintertäg…

Nöis Bier: New England IPA

Written by sixtytwo

New England befindet sech im Nordoste vor USA u umfasst 6 Bundesstaate. Vo dert chunnt dä Bierstiu u mängisch ghört me o d’Bezeichnigä Vermont IPA, Hazy IPA, Juicy IPA oder Milkshake IPA; mir blibe bim NEIPA. Äs trüebs u fruchtigs Bier wod muesch probiert ha….Mit beschtem Galaxy u Mosaic – Hopfe.

 

 

Blib uf em Loufende…

Written by sixtytwo

Blib uf em Loufende

Wed es paar mau im Jahr wosch per Mail mit News bedient wärde, de trag di hie doch i…
I jedem Mail chasch di ou wider abmäude.

Bierstacheln

Written by sixtytwo

Dr Legände nache isch ds Bierstachle im Mituauter vo Schmidä erfunde worde. Isch ihne ds Fürabebier ds chaut gsi, heisi e glüehende Schürhaken  ids Bier gha. So heisi ds Bier schnäu ufene agnähmi Trinktemperatur chönne bringe.

Wie geit Bierstachle?

  1. Chauts (2-5°C), dunkus Bier ca. zur heufti iischänke (müglechst mit weni Schuum)
  2. Dr Stachu erhitze
  3. Dr glüehig Stachu für ca. 5 sek ids Bier ha
  4. Umgehend gniesse

Ds Bier wird nid würklech viu wermer, aber dr Schuum isch temperiert. Usserdäm caramelisiert dr verbliibend Zucker im Bier, was ganz e angere Gschmack git…